Kubada neft anbarında yanğın yerində dörd nəfərin qalıqları tapılıb

Kubalı xilasedicilər Matansas şəhərində neft anbarında baş verən yanğında ölən azı dörd nəfərin qalıqlarını aşkar ediblər.

BAKU.WS oxu.az-a istinadla xəbər verir ki, rəsmi rəqəmlərə görə, yanğın nəticəsində ölənlərin sayı altıya çatıb. Axtarışlar davam edir.

Xatırladaq ki, avqustun 5-də rezervuarlardan birinə ildırımın düşməsindən sonra neft anbarında yanğın baş verib. Avqustun 7-də ikinci çən partlayıb, üçüncü çənə ciddi ziyan dəyib, daha sonra yanğın dördüncü çənə keçib. Hadisə yerinə bitişik ərazilərin beş minə yaxın sakini təxliyə edilib. Yanğında ümumilikdə 130 nəfər xəsarət alıb.