Ocaq alovunun rənglərinə DİQQƏT EDİN!

Evin əsas ehtiyaclarından biri olan ocağın alovunun müxtəlif mənaları var. Mavidən fərqli rəngdə yanan ocaq həm ciddi həyat təhlükəsi yarada bilər, həm də qaz itkisinə səbəb ola bilər. Bəs bu rəng dəyişiklikləri niyə baş verir?

BAKU.WS gzt-yə istinadən xəbər verir ki, düzgün rəngdə yanmayan alov, qazın düzgün yanmadığını və potensial təhlükənin xəbərçisi ola biləcəyini göstərir. Bu cür hallar kiçik bir problem kimi görünsə də, böyük fəsadlara yol aça bilər.

Normal alov rəngi mavidir. Mavinin xaricində isə alov qırmızı, narıncı və ya sarı rəngdə ola bilər. Belə hallarda diqqətli olmaq vacibdir.

Mavi alov hər şeyin qaydasında olduğunu bildirir.

Qırmızı, narıncı və ya sarı rəngdə alov qeyri-kafi yanma nəticəsində yaranır. Bu halda qaz itkisi baş verir və ciddi təhlükəsizlik problemi ortaya çıxır. Qeyri-kafi yanma zamanı alovun istiliyi kifayət qədər oksigen olmadığı üçün aşağı olur.

Qeyri-kafi yanma nəticəsində karbonmonoksit yaranır. Bu, həm qaz itkisi, həm də ciddi təhlükə əlamətidir.

Karbonmonoksit qaz yandırıcı cihazlarda %70 səmərəlilik itkisinə səbəb olur və insan həyatı üçün həyati təhlükə yaradır. Bu halda qaz yandırıcı cihazdan istifadə edilməməli və dərhal səlahiyyətli texniki xidmətlə əlaqə saxlanılmalıdır.