İsti havada çox qalmaq qocalmanı sürətləndirir

Yeni elmi araşdırmaya görə, yaşadığınız ərazinin iqlimi orqanizminizin qocalma sürətinə təsir edə bilər. Bu proses hətta hüceyrə səviyyəsində də müşahidə olunur.

BAKU.WS xəbər verir ki, Science Advances jurnalında dərc olunan məqalədə bildirilir ki, ekstremal istilərin daha çox olduğu bölgələrdə yaşayan insanların bioloji qocalması sürətlənir. Onların hüceyrələri, daha sərin iqlimdə yaşayanlarla müqayisədə, daha tez qocalır.

Araşdırma çərçivəsində 56 yaş və daha yuxarı 3679 iştirakçının qan nümunələri analiz edilib. Finiqs və Tuksun (Arizona), Braunsvill və Laredo (Texas), eləcə də Mayami və Tampa (Florida) ən isti bölgələr kimi qeydə alınıb. Bu bölgələrdə yaşayanların bioloji yaşı ildə 10-dan az isti gün olan ərazilərdə yaşayanlarla müqayisədə 14 ay daha çox olub.