Səhiyyə Nazirliyi: Evdə müalicə alan COVİD-19 xəstələrinin sayı hələ ki, bəlli deyil

Evdə müalicə alan COVİD-19 xəstələrinin sayı hələ ki, bəlli deyil. Lakin artıq statistika yeni yanaşma ilə aparılmağa başlanır.

BAKU.WS-in məlumatına görə, bunu Səhiyyə Nazirliyinin Aparat rəhbəri Nadir Zeynalov deyib.
Onun sözlərinə görə, COVİD-19 xəstəliyindən əziyyət çəkmiş və xəstəxanada müalicə olunan xəstələr evə yazılarkən onlara ambulator müalicə təyin edilir. Bu xəstələr sahə həkiminin nəzarəti altında aparılır:

“Beləliklə, həmin xəstələr yaşadığı ünvan üzrə poliklinikada qeydiyyatda olurlar. Hazırda Bakı və ətraf qəsəbələrdə 2000-ə yaxın şəxs poliklinika nəzarətindədir. Amma bundan sonra poliklinika tərəfindən qeydiyyata alınan, aktiv nəzarətə götürülən, yüngül əlamətləri olan xəstələrin statistikası yenidən formalaşdırılacaq”.