Həkim səhvindən həyatı iflic olan uşaq - VİDEO

Ucar sakini Cəsarət Məmmədov serebral iflicdən əziyyət çəkir.

Baku TV xəbər verir ki, rayonun Məlikballı kəndində yaşayan Cəsarət Məmmədov 2008-ci ildə anadan olub.

Nənəsinin sözlərinə görə, nəvəsi doğuşdan sonra 15 gün müddətinə bir dəfə də olsa yeni doğulan uşaqlar kimi ağlamayıb. Bundan narahat olan ailə uşağı Bakıdakı xəstəxanaların birinə aparıblar.

Müayinələr zamanı məlum olub ki, uşaq doğuş vaxtı həkimin əlindən yerə düşüb. Nəticədə uşağın çiyin sümüyü sınıb, başından da ağır kəllə beyin travması alıb.

Ailəsi onu bir neçə il müayinə və müalicə etdirsələr də daha sonra maddi imkanları çatmadığı üçün yarımçıq qalıb. Atasının sözlərinə görə, Cəsarət əməliyyat olunarsa, sağala bilər. Onun əməliyyatı üçün 50 min manat lazım olduğu üçün ailənin buna imkanı çatmır.

Cəsarət sağlamlığına qovuşmaq üçün xeyirxah insanların, təkərli arabanı da almaq üçün aidiyyəti qurumların yolunu gözləyir. Yardım etmək istəyənlər 050 534-91-49 və 050 494-15-32 nömrəsi ilə əlaqə saxlaya bilər.