"Turan Tovuz" və "Araz-Naxçıvan"dan 4 qolluq heç-heçə

Misli Premyer Liqasının V turunda "Turan Tovuz" və "Araz-Naxçıvan" komandaları qarşılaşıb.

BAKU.WS xəbər verir ki, Şamaxı şəhər stadionunda keçirilən görüş 2:2 hesabı ilə başa çatıb.

Matçda hesabı 7-ci dəqiqədə Emmanuel Hakmanın avtoqolu ilə "Araz-Naxçıvan" açıb. İkinci hissənin 51-ci dəqiqəsində İbrahima Vadji "Turan Tovuz"un bərabərlik qolunu vurub.

75-ci dəqiqədə Jo Batista Tovuz təmsilçisini önə keçirib. Lakin görüşün 86-cı dəqiqəsində Ağadadaş Salyanski penaltidən dəqiq yararlanaraq yekun hesabı müəyyənləşdirib.

Bu nəticədən sonra 8 xalı olan "Turan Tovuz" turnir cədvəlində 5-ci, "Araz-Naxçıvan" isə 2 xalla 11-ci pillədə qərarlaşıb.