Rəşid Məmmədəliyev dünya çempionatında 1/4 finalda məğlub olub

Azərbaycan cüdoçusu Rəşid Məmmədəliyev Bakıda keçirilən dünya çempionatında 1/4 final görüşünə çıxıb.

BAKU.WS xəbər verir ki, 73 kq çəki dərəcəsində mübarizə aparan idmançı bu mərhələdə Fransa təmsilçisi Dalyan Boulemtafeslə qarşılaşıb.

Görüş rəqibin 2:0 hesablı qələbəsi ilə başa çatıb.

Rəşid Məmmədəliyev mübarizəni təsəlliverici görüşdə davam etdirəcək. Onun növbəti rəqibi italiyalı Leonardo Valeriya olacaq.

Cüdoçumuz bu görüşdə qalib gələrsə, bürünc medal uğrunda mübarizə aparacaq.

***14:19

Azərbaycan cüdoçusu Rəşid Məmmədəliyev Bakıda keçirilən dünya çempionatında ikinci qələbəsini qazanıb.

BAKU.WS xəbər verir ki, idmançı 1/8 finalda böyük britaniyalı cüdoçu Etan Nairini məğlub edib.

Qeyd edək ki, R.Məmmədəliyev 1/4 finalda fransalı Dayyan Bulemtapes ilə qarşılaşacaq.

Xatırladaq ki, idmançı 1/16 finalda Castin Lemiri (Kanada) məğlub edib.