"Qarabağ" - "Sumqayıt" oyunundan sonra İNSİDENT

"Qarabağ" və "Sumqayıt" komandaları arasında keçirilmiş Azərbaycan Premyer Liqasının XVI turundan təxirə salınmış oyundan sonra insident baş verib.

BAKU.WS "Report"a istinadən xəbər verir ki, final fitindən sonra "köhlən atlar"ın futbolçusu Qara Qarayev rəqib oyunçu Dmitri Nağıyevlə mübahisə edib.

Daha sonra "gənclik şəhəri" təmsilçisinin müdafiəçisi Vüqar Mustafayev hadisəyə qarışıb. Komanda yoldaşları futbolçuları çətinliklə sakitləşdirib.

Qeyd edək ki, qarşılaşma "Qarabağ"ın 5:0 hesablı qələbəsi ilə yekunlaşıb.