"Qalatasaray" Batşuayini satdı

Belçikalı hücumçu Mişi Batşuayi Türkiyənin "Qalatasaray" klubundan Almaniyanın "Ayntraxt Frankfurt" klubuna keçib.

BAKU.WS Türkiyə mətbuatına istinadən xəbər verir ki, futbolçunun Frankfurt klubu ilə müqaviləsi 2027-ci ilin yayına kimi nəzərdə tutulub.

"Mişi Batşuayi təkcə əla qol vurma statistikasına yox, həm də zəngin təcrübəyə malikdir, çünki o, Bundesliqa da daxil olmaqla, demək olar ki, bütün Avropanın aparıcı liqalarında çıxış edib. Mişinin lazımi dözümlülüyü var və döyüşdə sərtləşib. Əminik ki, o, tezliklə gənc komandamızda mühüm rol oynayacaq", - deyə "Ayntraxt Frankfurt" klubunun rəsmisi bildirib.

Xatırladaq ki, 31 yaşlı Batşuayi 2024-cü ilin yayından "Qalatasaray"da çıxış edir. Belçikalı futbolçu karyerası ərzində "Standard", "Çelsi", "Marsel", "Borussiya Dortmund", "Kristal Pelas", "Valensiya", "Beşiktaş" və "Fənərbağça"da da çıxış edib. Transfermarkt internet portalına görə futbolçunun təxmini dəyəri 7 milyon avrodur.