Millimizin 77 milyonluq rəqibi - Əksəriyyəti legioner həyatı yaşayır

Azərbaycan və İslandiya milliləri bu gün 2026-cı il Dünya Çempionatının vəsiqə uğrunda ilk matçına çıxacaq.

BAKU.WS-in məlumatına görə, millimizin heyəti və bazar dəyəri 18,05 milyon avro təşkil edir.

Komandada legionerlərin sayı çox deyil. Yığmanın ən bahalı futbolçusu "Qarabağ"da top qovan və transfer dəyəri 2 milyon avro olan Nəriman Axundzadədir.

Rəqib İslandiya millisinin ümumi dəyəri isə 77,05 milyon avro təşkil edir. Komanda üzvlərinin əksəriyyəti legionerlərdən ibarətdir.

İslandiya yığmasının ən bahalı beş futbolçusu:

Hakon Arnar Haraldsson – 18 milyon avro (Fransa, "Lille")

Albert Gudmundsson – 18 milyon avro (İtaliya, "Fiorentina")

İsak Johannesson – 7 milyon avro (Almaniya, "Köln")

Kristian Hlynsson – 4 milyon avro (Niderland, "Twente")

Villum Thor Willumsson – 3,8 milyon avro (İngiltərə, "Birmingham City")

Komandada, həmçinin İtaliya "Genoa", İsveç "Djurgården", İngiltərə "Preston North End" və Almaniya "Hertha Berlin" kimi klublarda çıxış edən futbolçular da var.