Matç halı pisləşən azarkeşə görə dayandırıldı

İsveçrədə "Bazel" və İtaliyanın "Fiorentina" klubları arasında keçirilən UEFA Konfrans Liqasının yarımfinal mərhələsinin cavab oyunu azarkeşlərdən birinin halının pisləşməsi səbəbindən yarımçıq dayandırılıb.

BAKU.WS xarici mətbuata istinadən xəbər verir ki, görüşün ispaniyalı baş hakimi Xose Mariya Sançes 110-cu dəqiqədə fasilə elan edib.

Azarkeşə yerindəcə ilkin tibbi yardım göstərilib və xəstəxanaya aparılıb.

Matç 8 dəqiqə sonra davam edib.

Qeyd edək ki, görüş 3:1 "Fiorentina"nın xeyrinə yekunlaşıb.