"Mançester Yunayted" baş məşqçisi ilə yollarını ayırıb

İngiltərənin nəhəng klubu "Mançester Yunayted" baş məşqçi Ruben Amorimlə əməkdaşlığa son qoyub.

BAKU.WS xarici mətbuata istinadən xəbər verir ki, qərarın bu gün səhər saatlarında verildiyi bildirilir.

Məlumata görə, klub rəhbərliyi mövcud vəziyyəti dəyərləndirdikdən sonra portuqaliyalı mütəxəssislə yolların ayrılmasını məqsədəuyğun hesab edib. Bu barədə etibarlı mənbələr məlumat yayıb.

Xatırladaq ki, Ruben Amorim "Mançester Yunayted"in baş məşqçisi postuna 2024-cü ilin noyabr ayında gətirilmişdi. Lakin onun rəhbərliyi altında komandanın gözlənilən nəticələri əldə edə bilməməsi ayrılıq qərarını qaçılmaz edib.