FİFA bu komandanı klublararası dünya çempionatından kənarlaşdırdı

FİFA Apellyasiya Komitəsi Meksika təmsilçisi "Leon"u 2025-ci ildə keçiriləcək klublararası dünya çempionatının iştirakçıları siyahısından çıxarıb.

BAKU.WS xəbər verir ki, bu barədə təşkilatın saytında məlumat verilib.

Qadağaya səbəb "Leon"un dünya çempionatında çıxış edən meksikalı "Paçuki"nin də sahibi olan şirkətə məxsus olması olub. Bu, eyni sahibi olan komandaların iştirakını qadağan edən turnir qaydalarını pozur. "Leon"un əvəzləyicisinin adı daha sonra açıqlanacaq.

Klublararası dünya çempionatı 2025-ci il iyunun 15-dən iyulun 13-dək ABŞ-də keçiriləcək. Turnirdə 32 komanda iştirak edəcək.