"Fənərbağça" ilə "Əl-Nəsr" Taliskaya görə razılığa gəlib

Səudiyyə Ərəbistanının "Əl-Nəsr" klubunun yarımmüdafiəçisi Anderson Taliska 2025-ci ilin yayına qədər icarə əsasında Türkiyənin "Fənərbağça" klubuna keçəcək.

BAKU.WS xəbər verir ki, bu barədə X sosial şəbəkəsində jurnalist Nikolo Skira məlumat verib.

Qeyd olunur ki, Səudiyyə klubu futbolçunun maaşının bir hissəsini ödəyəcək.

Braziliyalı 2021-ci ildən "Əl-Nəsr"də çıxış edir və buraya "Benfika"dan 8 milyon avroya transfer olunub.

Səudiyyə Ərəbistanı çempionatında Taliska 23 matçda iştirak edib, o, 14 qol vurub və iki məhsuldar ötürmə verib.

"Transfermarkt" internet portalının məlumatına görə, futbolçunun bazar dəyəri 12 milyon avrodur.