055 213 76 73
İspaniya La Liqasında "Real Madrid"də çıxış edən Arda Gülər oyunu ilə gündəm olmağa davam edir. Ulduz futbolçu son "Villareal" matçında vurduğu qollarla Lionel Messi və Kriştiano Ronaldonu geridə qoymağı bacarıb.
BAKU.WS xarici mediaya istinadən təfərrüatları təqdim edir:
İspaniya La Liqasının 37-ci həftəsində çempion "Real Madrid" səfərdə "Vilyarreal"ın qonağı olub. 2 qol vuran Arda Gülər matçın ulduzlarından birinə çevrilib.
İlk yarıda komandasının ilk və son qollarını vuran 19 yaşlı Arda, bu mövsüm La Liqada ümumi qol sayını 6-ya yüksəldib və "Real" tarixində ən az dəqiqədə ən çox qol vuran futbolçu kimi tarixə düşüb.
Xüsusilə mövsümün ilk yarısında zədələrlə mübarizə aparan Arda liqada meydanda keçirdiyi 373 dəqiqəyə 6 qol vurmağı bacarıb.
Komandaya uyğunlaşan və performansını günü-gündən yaxşılaşdırmağı bacaran ulduz futbolçu qol/dəqiqə statistikası ilə Kriştiano Ronaldonu qabaqlayıb.
Bu uğuru 373 dəqiqədə əldə edən Arda 6 qolu 436 dəqiqədə əldə edən Kriştiano, 605 dəqiqədə vuran Ronaldo Nazario, 749 dəqiqədə bacaran Raul və 6 qolu 780 dəqiqədə vuran Lionel Messini geridə qoyub.
