Xocalının Ballıca kəndində ilk körpə dünyaya gəlib

İşğaldan azad edildikdən sonra Xocalı rayonunda ilk körpə dünyaya gəlib. BAKU.WS xəbər verir ki, bu barədə TƏBİB məlumat yayıb.

Xocalı rayon sakini, 1996-cı il təvəllüdlü Sevanə Məmmədovanın dünyaya gətirdiyi körpə oğlan övladıdır.

Doğulan körpənin çəkisi 3,600 qr., boyu 51 sm. olub. Ana və körpəsi təcili tibbi yardım briqadası vasitəsilə Bərdə Rayon Mərkəzi Xəstəxanasının nəzdində olan Doğum Evinə hospitalizasiya olunub. Hazırda körpənin və ananın tibb müəssisəsinin müvafiq şöbələrində müalicələri davam etdirilir, vəziyyətləri stabildir. Qeyd edək ki, Xocalı rayonunun Ballıca kənd sakini S.Məmmədovanın hamiləlik müddətində zəruri müayinələri aparılıb və onun vəziyyəti daim diqqətdə saxlanılıb.