Sabah Bakının bu yollarında nəqliyyatın hərəkəti məhdudlaşdırılacaq

Sabah Bakı şəhərində yolların təmiri ilə əlaqədar nəqliyyat məhdudlaşdırılacaq. 

"Azəravtoyol" ASC-dən BAKU.WS-ə verilən məlumatda bildirilir ki, sabah səhər saatlarından Bakının Cəfər Xəndan küçəsinin İbrahimpaşa Dadaşov küçəsi ilə kəsişməsindən Azadlıq prospektinə qədər olan hissəsində avtonəqliyyat vasitələrinin hərəkəti qısa müddətə məhdudlaşdırılacaq.

Məlumata görə, hərəkətin məhdudlaşdırılması bir neçə saat çəkəcək. Buna səbəb aparılacaq təmir işləridir. 

"Göstərilən müddət ərzində sürücülərdən alternativ yollardan istifadə etmələri xahiş olunur", - deyə cəmiyyətin məlumatında qeyd edilib.

Arzu Mirzəyeva

BAKU.WS