Rusiyada COVİD-19-a yoluxanların sayı 50 mini keçib - VİDEO

Rusiya Federasiyasında COVİD-19-a yoluxanların sayı 52 min 763 nəfərə çatıb.

Ölkədə koronavirus səbəbi ilə yaradılmış operativ qərargahın verdiyi məlumata görə, son sutka ərzində 5 min 642 nəfərdə koronavirus aşkarlanıb.

REAL-ın Rusiya bürosunun verdiyi məlumata görə, Rusiya Federasiyasında son sutka ərzində 51 nəfər COVİD-19 səbəbindən dünyasını dəyişib. Ümumiyyətlə isə ölkədə ölənlərin sayı 456-ya yüksəlib.

Gün ərzində 427 xəstənin də sağaldığı haqqında məlumat yayan operativ qərargah, ölkədə ümumi 3 min 873 nəfərin sağalaraq evə buraxıldığını qeyd edib.

Nəzərinizə çatdıraq ki, Moskva merinin mavini Anastasiya Rakova isə bu gün açıqlamasında vurğulayıb ki, paytaxtda pandemiyanın zirvə nöqtəsi qarşıdan gələn 2-3 həftə ərzində yaşanacaq.