Ölkə əhalisinin NƏZƏRİNƏ! - Ayın 22-si səmada...

"İyun ayının 22-də kosmosa "Starlink" peyklərinin daha bir partiyası buraxılacaq. Bu Bakı səmasından da izlənəcək".

Bunu BAKU.WS-ə açıqlamasında Bakı Dövlət Universitetinin Fizika fakültəsinin Astrofizika kafedrasının dosenti Xıdır Mikayılov bildirib.

O, bildirib ki, proses 22 iyun saat 09:47-də baş tutacaq.

"Onlar Yerin süni peykləridir. Yer ətrafı orbitdə hərəkət edirlər", - deyə X. Mikayılov vurğulayıb.

Xatırladaq ki, sonuncu belə buraxılış bu gecə olub. Peyklər paytaxt sakinləri tərəfindən maraqla izlənib.

Qeyd edək ki, "Starlink" peykləri kiçik ölçülü olur, çəkisi təqribən 250 kiloqramdır.

Banu Hüseynli