İdman zalları niyə açılmır? - RƏSMİ AÇIQLAMA

18 maydan etibarən bəzi sahələrdə məhdudiyyətlər götürülsə də idman zalları hələ də açılmayıb.

BAKU.WS xəbər verir ki, bunun səbəbini Nazirlər Kabinetinin mətbuat xidmətinin rəhbəri İbrahim Məmmədov izah edib.

O qeyd edib ki, məhdudiyyətlərin tətbiq olunduğu bütün sahələrin açılması arzuolunan olsa da, hamısı eyni vaxtda açıla bilməz:

“Mütəxəssislər də bu fikirdədir ki, mərhələ şəklində karantindən çıxmaq daha effektiv ola bilər”.

Tibbi Ərazi Bölmələrini İdarəetmə Birliyinin (TƏBİB) xəstəliklərin profilaktikası və kontrolu şöbəsinin müdiri Yaqut Qarayeva da öz növbəsində qeyd edib ki, idman zallarında aktiv idmanla məşğul olunduğu üçün yaxın təmas mümkündür və bunu kafe və restoranlarla müqayisə etmək olmaz.