Bu şəhərdə yaşayış binaları TƏMİR OLUNACAQ

Naxçıvan Şəhər İcra Hakimiyyəti şəhərin Əlincə məhəlləsi 1k, 6k və İstiqlal küçəsi 85 ünvanlarında yerləşən çoxmənzilli binalarda təmir işləri aparacaq.

BAKU.WS-in məlumatına görə, təmir işləri zamanı binaların dam örütkləri yenilənəcək.

Uzun illər istismarda olan köhnə dam örtüklərinin dəyişdirilməsi sakinləri yağış və rütubətdən qoruyacaq, binaların enerji effektivliyini artıracaq. Köhnəlmiş konstruksiyaların sökülməsi, yanğına davamlı və möhkəm materiallarla əvəzlənməsi potensial riskləri azaldacaq.