Bu ərazidə çoxmənzilli binalar TƏMİR OLUNACAQ

Masallı şəhərində çoxmənzilli yaşayış binaları əsaslı təmir ediləcək.

BAKU.WS-in məlumatına görə, təmir işləri Masallı Rayon İcra Hakimiyyəti Başçısının Masallı şəhər üzrə nümayəndəliyi tərəfindən həyata keçiriləcək.

Layihənin ümumi dəyəri 394 min 518 manat olaraq göstərilib.

Təmir işləri zamanı Masallı şəhəri Qarabağ küçəsi 24 ünvanında yerləşən 3 girişli, 4 mərtəbəli binalarda bir sıra işlər görüləcək.

Layihənin icrası nəticəsində binaların möhkəmliyi artırılacaq, yağış sularının axıdılması sistemi yenilənəcək və ümumi yaşayış şəraiti yaxşılaşdırılacaq. Bu isə sakinlərin təhlükəsizliyini təmin etməklə yanaşı, onların daha rahat və sağlam mühitdə yaşamasına imkan yaradacaq.