Bölgələrdə yağış yağıb, dolu düşüb - FAKTİKİ HAVA

Ekologiya və Təbii Sərvətlər Nazirliyinin Milli Hidrometeorologiya Xidməti iyulun 21-də saat 23:00-a olan hava proqnozunu açıqlayıb.

Xidmətdən BAKU.WS-ə verilən məlumata əsasən, Sarıbaş (Qax), Göygöl, Zaqatala, Balakən, Tovuz, Şəmkir, Gədəbəy, Daşkəsən, Ağstafada yağış yağıb, şimşək çaxıb.

Qazax rayonunun Birin, Şıxlı, İkinci Şixlı kəndləri ərazisinə 18:20 radələrində leysan yağışla bərabər dolu düşüb. Qərb küləyi arabir Naftalanda 30 m/s., Gəncədə 25 m/s, Daşkəsəndə 24 m/s, Tərtərdə 23 m/s., Xaçmazda 22 m/s., Şəmkir, Nabranda 20 m/s., Mingəçevirdə 19 m/s, Bərdədə 18 m/s-dək güclənib.