Bakıda yarım milyonluq dələduzluq edən şəxsin cəzası azaldıldı
Bakı Apellyasiya Məhkəməsində dələduzluqda təqsirləndirilən Rahib Nağdalıyevin barəsindəki hökmdən verilən apellyasiya şikayəti üzrə məhkəmə iclası başa çatıb.
BAKU.WS Pravda.az-a istinadən xəbər verir ki, hakim Habil Məmmədovun sədrliyi ilə keçirilən prosesdə qərar elan olunub.
Qərara əsasən, Bakı Ağır Cinayətlər Məhkəməsinin çıxardığı 6 il müddətinə azadlıqdan məhrumetmə hökm dəyişdirilib, cəzası 2 ay azaldılıb.
İttihama görə, Rahib Nağdalıyev 12 nəfərə "Sədərək" Ticarət Mərkəzində meyvə-tərəvəz biznesi ilə məşğul olduğunu bildirib. O, həmin şəxslərə biznesinə pul qoymaqla qazanc əldə edəcəyinə dair yalan vəd verib. Rahib Nağdalıyev bu yolla zərərçəkmişlərdən 2020-2022-ci illərdə paytaxt ərazisində ümumilikdə 546 100 manat pulu dələduzluq yolu ilə ələ keçirib. Daha sonra o, verdiyi vədə əməl etməyib və zərərçəkmişlərin şikayəti əsasında saxlanılaraq cinayət məsuliyyətinə cəlb edilib.
Oxşar xəbərlər
Əhaliyə ŞAD XƏBƏR - Artımlar 3 milyon insana şamil ediləcək
Artıq bir neçə gündür ki, 2025-ci ilin dövlət büdcəsi layihəsi Milli Məclisdə müzakirə olunur. BAKU.WS xəbər verir ki, fərqli dövlət qurumlarının rəhbərləri tə...