Bakıda daha bir məşhur universitet binasında SÖKÜNTÜ VƏ TƏMİR

Bakı Slavyan Universiteti tədris binalarında və yataqxanada cari təmir işləri aparılacaq.

BAKU.WS-in əldə etdiyi məlumata görə, təmir işləri çərçivəsində bir sıra söküntü və hazırlıq işlərinin görülməsi nəzərdə tutulur.

Layihənin ehtimal olunan dəyəri 1 milyon 839 min manat

Təmir işləri universitetin maddi-texniki bazasının yaxşılaşdırılması məqsədi daşıyır.

Qeyd edək ki, bu işlər universitetin əsas tədris binalarını və yataqxananı əhatə edəcək. Təmir işlərinin başa çatmasından sonra təhsil və yaşayış şəraitinin daha da yaxşılaşdırılması gözlənilir.