Azərbaycan üçün böyük təhlükə - Özünüzü qoruyun

Qonşu Gürcüstanda H1N1 virusunun (donuz qripi) aşkarlanması Azərbaycanda da bu virusun yayılma təhlükəsini gündəmə gətirib.BAKU.WS bununla bağlı mütəxəssislərə müraciət edib. Respublikanın Baş infeksionisti Cəlal İsayev BAKU.WS-ə açıqlamasında bildirib ki, qonşu Gürcüstanda H1N1 virusunun (donuz qripi) aşkarlanıbsa, bunun bizim ölkədə də yayılma ehtimalı var.“Hər il bu vaxt ilin soyuq fəsillərində qrip virusu yayılır və xəstələnmə hallarının sayı artır.Gürcüstanda H1N1 virusu aşkarlanıb. Bu viruslar həmişə var və yayılır. Bu virus 9 il əvvəl də yayılmışdı. Əgər virusun yayılması kütləvi hal alarsa, o zaman dövlət tərəfindən tədbirlər görülə bilər. Bu tədbirlər arasında məktəblərin bağlanması və digər proseslər də var. Hələlik adi və mövsümü xəstəlik kimi yayılıb. Hələlik tibbi müəsisələrimizə bu virusa yoluxmuş xəstə daxil olmayıb.Çox vaxt insanlar qrip xəstəliyinə barmaqarası baxırlar. Bu xəstəliyə tutulan zaman mütləq həkimə müraciət etmək lazımdır və küçəyə çıxmaq olmaz. Əgər donuz qripi qonşu ölkələrində yayılıbsa, bizdə də yayıla bilər. Bu ölkəyə gedən insanlar birinci növbədə özlərini qorumalıdırlar”, - deyə Cəlal İsayev bildirib.Məsələ ilə bağlı baş epidemioloq İbadulla Ağayev BAKU.WS-ə açıqlamasında bildirib ki, hazırda Azərbaycan üçün H1N1 virusu təhlükəsi yoxdur:“Ümumilikdə qrip xəstəliyi həmişə mövcuddur. Düzdür ölkədə bu xəstəliyə yoluxan 5-10 nəfər var, lakin bu emidemiya halı almayıb.Bu aylarda insanlar özlərini mütləq qorumalıdırlar. Qrip virusla yayılan xəstəlikdir və həmişə olacaq. Səhiyyə Nazirliyinin bütün tibb müəssisələri müraciət edən xəstələrə yardım göstərmətə hazırdır. Mütləq həkimə müraciət etsinlər və həkim nəzarəti altında müalicə olunsunlar”, - deyə İbadulla Ağayev bildirib.Ziya SƏCCADBAKU.WS