Azərbaycanda son sutkada 30-a yaxın şəxs COVİD-19 qurbanı oldu

Azərbaycanda koronavirus (COVID-19) infeksiyasına 1210 yeni yoluxma faktı qeydə alınıb, 3851 nəfər müalicə olunaraq sağalıb.

Nazirlər Kabineti yanında Operativ Qərargahdan BAKU.WS-ə verilən məlumata görə, analiz nümunələri müsbət çıxan 28 nəfər vəfat edib.

Azərbaycanda indiyədək ümumilikdə 782 748 nəfər koronavirus infeksiyasına yoluxub. Onlardan 757 892 nəfər müalicə olunaraq sağalıb, 9358 nəfər vəfat edib, aktiv xəstə sayı 15 498 nəfərdir.

Ölkədə son sutka ərzində 8978, hazırkı dövrədək isə 6 531 133 test aparılıb.