Bakıda piyada keçidində salınan pivəxana - YENİLƏNİB/FOTO

Yasamal rayonu İcra Hakimiyyətinin əməkdaşları piyada keçidi üzərində salınan pivəxanaya baxış keçirmək üçün hazırda həmin ünvandadırlar.

***15.44

Bakının mərkəzi küçələrinin birində obyekt səkini zəbt edib.

Bu barədə sakinlər BAKU.WS-in "qaynar xətt"inə şikayət ediblər.

Belə ki, Huseyn Cavid prospekti ilə Ələsgər Ələkbərov küçəsindəki pivəxana düz yoldakı piyada keçidinin qurtaracağında, pandus üzərində salınıb. Beləliklə uşaq və əlil arabası ilə pandusdan ötüb-keçən şəxslər özlərini öz iradələrindən kənar olsa da pivəxanada görürlər.

Pivəxananın ərazisinə keçmək istəməyən sakinlər isə məcburən özlərini yolun hərəkət hissəsində, təhlükədə görürlər.