055 213 76 73
İstidə infarkt riskini azaltmaq üçün kifayət qədər su içmək və həddindən artıq yeməmək lazımdır.
BAKU.WS Rusiya mətbuatına istinadən xəbər verir ki, bunu terapevt Lyudmila Lapa bildirib.
Mütəxəssisin fikrincə, həddindən artıq yemək böyrəkləri, ürəyi və qan damarlarını həddindən artıq yükləyir. O əlavə edib ki, qan laxtalanması riski yüksək olan insanlar antikoaqulyantlar qəbul etməlidirlər. “Çünki günəşdə qan laxtalanma riski yüksəkdir, xüsusən də su çatışmazlığı zamanı. İnsult və infarkt riski də artır”, - Lapa qeyd edib.
Terapevt bildirib ki, isti havalarda təmiz və ilıq su içmək daha yaxşıdır, çünki soyuq su içmək tənəffüs yollarının xəstəliklərinə səbəb ola bilər. Bundan əlavə, şapka, geyim və xüsusi məhsullarla özünüzü günəşdən qorumalısınız.