Qozun insan orqanizminə faydaları... - FOTO

Qida dəyəri baxımından qoz son illərdə liflər, vitaminlər, minerallar və sağlam yağlar ehtiva etdiyi üçün super qida olaraq təyin edilmişdir. Qozun faydaları nələrdir? Gündə nə qədər qoz istehlak edilməlidir?

BAKU.WS xarici mediaya istinadən xəbər verir ki, sağlam yağ, zülal və lif mənbəyi olan qozun bir çox faydası var.

Kilo balansını qoruyarkən ürək və sümük sağlamlığını yaxşılaşdırmaq üçün faydalar təmin edir.

Tərkibində təxminən 90 qida maddəsi olan qoz insan sağlamlığına müsbət təsir göstərir.

Müntəzəm olaraq istehlak edildikdə immunitet sistemini gücləndirir, dəriyə parlaqlıq verir və qırışların yaranmasının qarşısını alır.

Qandakı melatonin səviyyəsini artıraraq yuxu rejiminə kömək edir. Tərkibindəki melatonin və polifenol birləşmələri sayəsində yüksək antioksidant təsirə malikdir.

Qozun tərkibində maqnezium, sink, mis, dəmir, fosfor, bir sıra vitaminlər var. Yaxşı yağlar, fol turşusu, dəmir və kaliumla zəngindir.

Qoz qlutensiz pəhriz üçün də uyğundur. Vegetarianlara və veganlara bir sıra qida və vitamin dəstəyi verir.

Antioksidanların bolluğuna görə yaşlanma ilə bağlı xəstəliklər, xərçəng və ürək-damar sistemi xəstəliklərinin qarşısını aldığı bilinir.

Axşam televizor qarşısında çips və ya şokolad yemək vərdişiniz varsa, onun yerinə daha sağlam olan qoz yeyə bilərsiniz. Dadlı və doyurucu olduğu üçün aclıq hissini azaldır. Araşdırmalar göstərib ki, qoz aclıq hissini azaldır və iştahın qarşısını alır.

Sağlam yağ nisbətinin yüksək olması səbəbindən 100 qram qozda təxminən 674 kalori var. Sağlam bir şəkildə arıqlamaq və ilk növbədə kalorilərə diqqət yetirmək üçün qoz yeyərkən son dərəcə diqqətli olmaq lazımdır. Gündə 8 bütöv qozdan çox istehlak edilməməlidir.