Yaponlardan yeni super icad (FOTO)

 

Yaponiya əyani hava proqnozu verən qurğu icad edib.

BAKU.WS məlumat verir ki, Yapon şirkəti olan "Tempescope” hava şəraitini əyani olaraq göstərmək bacarığına malik qeyri-adi meteostansiyanın layihəsinin tamamlandığı haqqında məlumat yayıb.

Meteostansiya funksiyasını yerinə yetirən sözügedən yüksəktexnologiyalı qacet smartfondakı proqram vasitəsiylə hava haqqında məlumatı əldə edir və onu displeydə deyil, canlı olaraq xüsusi şəffaf bölmədə əks etdirir.

Hava şəraitindən asılı olaraq "Tempescope” yağış, buludlar və hətta ildırım işığını da göstərmək bacarığına malikdir. Hazırda yaponiyalılar meteostansiyanın seriyalı istehsalı üçün vəsait toplamaq məqsədi ilə Kraudfandinq kampaniyasını işə salmaq niyyətindədirlər. "Tempescope"-nin satışı 200 dollardan başlayan qiymətlə planlaşdırılır.

BAKU.WS