"Wednesday"in ulduzu tanınmaz hala qaldı

"Wednesday" serialı ilə dünya şöhrəti qazanan amerikalı aktrisa Jenna Orteqanın son görüntüləri diqqət çəkib.

BAKU.WS xarici mediaya istinadən xəbər verir ki, 23 yaşlı aktrisanın əvvəlki dövrlə müqayisədə xeyli çəki itirdiyi və görünüşündə nəzərəçarpacaq dəyişiklik olduğu bildirilib.

Uşaqlıq yaşlarından aktyorluğa başlayan Jenna Orteqa "Iron Man 3", "You", "The Fallout", "X" və "Scream" kimi ekran işlərində rol alıb. Onun karyerasında əsas dönüş nöqtəsi isə 2022-ci ildə yayımlanan "Wednesday" serialı olub. Aktrisa Tim Börtonun ekran işində Uensdey Addams obrazını canlandıraraq dünya üzrə böyük populyarlıq qazanıb.

Orteqanın son görüntülərində üz cizgilərinin daha incə, almacıq sümüklərinin isə daha qabarıq göründüyü qeyd olunub. Onun çəki itirməsi bəzi pərəstişkarlarında səhhəti ilə bağlı narahatlıq yaradıb.

Aktrisanın səhhəti və çəki itkisi ilə bağlı hər hansı açıqlaması isə yoxdur.