Vəfat edən dostuna ən çətin günlərində dəstək oldu

Hollivud ulduzu Conni Depp xeyirxah addımı ilə diqqət çəkib.

BAKU.WS xəbər verir ki, o ötən gün vəfat edən yaxın dostu Erik Deynə çətin vaxtlarında dəstək olub.

Erik Deppin Los-Ancelesdəki evində kirayə haqqı vermədən uzun müddət yaşayıb. Aktyor ömrünün sonlarına yaxın böyük maddi sıxıntı yaşayırmış.

Deppin bu addımı bu sosial şəbəkələrdə yayılaraq müzakirələrə səbəb olub. Onun bu addımı sevənlərini xeyli təsirləndirib.

Qeyd edək ki, bir il əvvəl amiotrofik lateral skleroz diaqnozu (ALS) qoyulan aktyor Erik Deyn ötən gün vəfat edib.

Xatırladaq ki, yan amiotrofik skleroz mütərəqqi əzələ iflicinə səbəb olan degenerativ xəstəlikdir. Bu xəstələr tədricən özbaşına danışmaq, yemək, yerimək və nəfəs almaq qabiliyyətini itirir. Hazırda onun müalicəsi yoxdur.