Toyqar Işıklı "Grammy"də münsif olub, səs verəcək

Məşhur bəstəkar Toyqar Işıklı "Grammy" mükafatlarına münsif seçilib.

BAKU.WS xəbər verir ki, o dünyanın ən nüfuzlu musiqi mükafatlarından biri olan "Grammy"nin heyətində yer alacaq.

O da "Grammy" mükafatlarının səsvermə hüququna malik münsiflərdən biri olub.

Karyerası boyunca "Aşk-ı Memnu", "Yaprak Dökümü", "Ezel", "Medcezir", "Kuzey Güney" kimi ekran işləri başda olmaqla, bir çox məşhur serial və filmin unudulmaz musiqilərinə imza atan Toyqar bu möhtəşəm xəbəri sosial şəbəkə hesabında izləyiciləri ilə bölüşüb.

"Musiqi karyeramdakı bu gözəl xəbəri sizinlə paylaşmaqdan böyük qürur duyuram: Artıq "Recording Academy / GRAMMYs Voting Member" olaraq bu böyük ailənin bir hissəsiyəm. İllərdir dayanmadan çalışaraq, yalnız musiqilərimə fokuslanaraq qurduğum bu karyerada bu nöqtəyə çatmaq mənim üçün ayrı bir qürur mənbəyidir. "Grammy" mükafatlarının qərarvermə proseslərinə töhfə vermək, sektorun gələcəyini formalaşdıran bu ilhamverici birlik ilə çalışmaq üçün səbirsizlənirəm".