Nigar Camaldan Vaqif Mustafazadəyə EHTİRAM

Müğənni Nigar Camal Azərbaycanın caz və musiqi dühası Vaqif Mustafazadənin "Bizi yollar səsləyir"ə özünəməxsus yanaşma ilə yeni nəfəs verib.

BAKU.WS xəbər verir ki, yeni versiya həm klassik ruhu qoruyur, həm də Nigar Camalın səsi və təqdimatı ilə müasir musiqi duyumuna toxunur.

"Vaqif Mustafazadənin melodiyası zamanlar arasında körpüdür və mən bu körpüdən sevgi ilə keçmək istədim," - deyə Nigar Camal bildirib.

Nigar mahnı üçün kamera qarşısına da keçib. O, ekran işində iki obrazda olub.

Qeyd edək ki, sözləri Fikrət Qocaya, musiqisi Vaqif Mustafazadəyə aid mahnı "Caspian Media Group" tərəfindən ekranlaşdırılıb.

Qalereya