Müğənni Viktoriya Dayneko ailə qurdu

Rusiyalı müğənni Viktoriya Dayneko ailə həyatı qurduğunu öz "Instagram" hesabında açıqlayıb.

BAKU.WS xəbər verir ki, o, Barvixa şəhərindəki qeydiyyat idarəsində çəkilmiş foto və videolarını paylaşıb.

Toy mərasimində Dayneko şampan şərabı rəngində zərif bir paltar geyinib, bəy isə mavi kostyum seçib. Nikahdan sonra cütlük yaxın dostları və ailə üzvləri ilə birlikdə restoran mərasimi keçirib.

Qeyd edək ki, Viktoriya Dayneko bu yaxınlarda iş adamı Berkeli Ovezovdan evlilik təklifi almışdı. Onun haqqında borc və aliment ödənişi ilə bağlı yayılan iddiaları isə Dayneko təkzib edib. Müğənni həmçinin müsahibəsində nikah müqaviləsinin vacibliyini vurğulayıb.