Mehin "Döngə"yə İstanbulda klip çəkdirdi

Müğənni Mehin Hümbətova İstanbulda çəkdirdiyi klipini təqdim edib.

BAKU.WS xəbər verir ki, ekran işi "Döngə" adlanır.

Mahnının söz və musiqisi Zülfi Bədəlova məxsusdur. Tanınmış rejissor Kemal Yıldızın ərsəyə gətirdiyi ekran işində Mehin fərqli obrazda kamera qarşısına keçib.

Layihə üzərində Türkiyədən olan peşəkar komanda çalışıb. Hümbətovanın staylinqini Sıla Ceren Özyurt edib ki, o, Hande Ünsel, İrem Derici, Eda Sakız, Dicle Olcay kimi məşhurlarla əməkdaşlıq edir.

Aranjimanı Elvin Musayevə aid olan "Döngə" Mehinin "Youtube" kanalına yerləşdirilib.