71 yaşlı Gülşen Bubikoğlunun görünüşü müzakirələrə səbəb oldu

Məşhur aktrisa Gülşen Bubikoğlu son halı ilə gündəm olub.

BAKU.WS xəbər verir ki, o sosial şəbəkədə yeni fotolarını paylaşıb.

71 yaşlı aktrisa təbii gözəlliyi və zərifliyi ilə izləyicilərini bir daha özünə valeh edib.

Mediadan uzaq, sakit bir həyat sürməyə üstünlük verən sənətçi qış aylarını İstanbulda, yay mövsümünü Bodrumda keçirir.

Heç bir estetik müdaxilə olmadan, tamamilə təbii halı ilə obyektiv qarşısına keçən usta aktrisanın bu paylaşımı qısa müddətdə şəbəkədə böyük maraqla qarşılanıb.

Qeyd edək ki, "Ah Nerede", "Alev Alev", "Yaz Bekarı" və "Canikom" başda olmaqla 50-dən çox ekran işində baş rolları canlandıran Bubikoğlu, Türk kinosunun ən çox sevilən qadın sənətkarları arasında yer alır.

Xatırladaq ki, Gülşen Bubikoğlu 2024-cü ildə həyat yoldaşı, Türkiyə kinosunun tanınmış prodüseri Türker İnanoğlunun vəfatı ilə böyük bir itki yaşamış və dərin kədərə qərq olmuşdu.

Qalereya