64 yaşlı aparıcı bu səbəbdən Hadisedən üzr istədi

Müğənni Hadiseni təhqir edən idman şərhçisi Ahmet Çakar ondan üzr istəyib.

BAKU.WS xəbər verir ki, sənətçi ötən il qatıldığı proqramlardan birində şəxsi həyatı ilə bağlı verdiyi açıqlamalar Ahmet Çakar tərəfindən təhqir edilmişdi.

Müğənni isə həmin təhqiramiz ifadələri əsas gətirərək, şəxsiyyəti alçaldığı üçün qarşı tərəfi məhkməyə vermişdi.

Prosesə baxan Beykoz Asliye Hüquq Məhkəməsi Hadiseni haqlı tərəf kimi tanıyaraq Ahmet Çakarın 50 000 lirə (1960 AZN) məbləğində mənəvi təzminat ödəməsinə qərar verib.

Məhkəmə qərarından təxminən bir ay sonra 64 yaşlı aparıcı mövzu ilə bağlı açıqlama verərək Hadisedən üzr istəyib.

"Türkiyənin ən sevilən sənətçilərindən olan Hadise haqqında söylədiyim sözlərə görə məhkəmə tərəfindən haqsız hesab edildim. Məhkəmənin qərarına hörmət edirəm. Bəzən tənqid etmək məqsədini aşır. Hadise xanım, haqqınızı halal edin. Sizdən və yaxınlarınızdan səmimi qəlbdən üzr istəyirəm" - deyə, o qeyd edib.

Qalereya