VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fərdi səyahətlərin və işgüzar turizm həllərinin təşkilində ixtisaslaşmış turizm şirkəti “PAŞA Travel” və Gürcüstanın məşhur “Geosky” aviaşirkətinin sərnişin bölməsi “Georgian Wings” arasında strateji tərəfdaşlıq imzalanıb.

Bu yeni tərəfdaşlıq müstəsna səyahət xidmətləri təqdim etməyə və müştərilərə unudulmaz təəssüratlar bəxş etməyə istiqamətlənmiş iki dinamik şirkətin bir araya gəlməsini ifadə edir. Monteneqro və Misir kimi məşhur turizm istiqamətləri üzrə tur operator fəaliyyəti göstərən “PAŞA Travel” Gürcüstan istiqamətində də yeni təcrübələr təqdim edəcək.

Qeyd olunan strateji tərəfdaşlıq müqaviləsi çərçivəsində, “Georgian Wings” aviaşirkəti, fəaliyyət dairəsini genişləndirərək Gürcüstanın Tbilisi şəhərindən Azərbaycanın Bakı şəhərinə və əks istiqamətə birbaşa uçuşlar həyata keçirməyə başlayacaq.

Bu əməkdaşlıq hər iki şirkətin geniş təcrübəsindən istifadə edərək səyahətçilərə, səhayətlərini planlaşdırmadan icraya qədər qüsursuz səyahət təklif edəcək.

“PAŞA Travel” şirkətinin rəhbəri cənab Bəhruz Əsgərov əməkdaşlığa həvəslə yanaşdığını bildirib:
"Biz müştərilərimizə səyahət təcrübələrini artırmaları üçün “Georgian Wings” ilə güclərimizi birləşdirməkdən məmnunuq. Bu əməkdaşlıq bizə daha geniş istiqamətlər və xidmətlər təklif etməyə imkan verəcək".

“Georgian Wings”-ın baş direktoru cənab Edison Pipia isə bildirib ki: "Biz, fərdi səyahət təcrübələrində lider olan “PAŞA Travel” ilə strateji əməkdaşlıq qurmaqdan çox məmnunuq. Bu əməkdaşlıq, nəinki xidmətlər üzrə təkliflərimizi genişləndirir, həm də sərnişinlərimiz üçün rahat və yaddaqalan səyahət seçimlərini təmin etmək vizyonumuzla mükəmməl şəkildə uyğunlaşır.”

“PAŞA Travel” və “Georgian Wings” arasındakı əməkdaşlıq, keyfiyyət, rahatlıq və fərdi xidmətə diqqət yetirməklə turizm anlayışını yenidən kəşf etmək məqsədi daşıyır. Bu strateji tərəfdaşlıq səyahət edənlər üçün uçuşlarını güvənli, sərfəli və rahat həyata keçirməyi təmin edəcək.

BAKU.WS