Xocalıda mina hadisəsində yaralanan ANAMA əməkdaşının ayağı amputasiya edilib

Xocalı rayonunun Daşkənd kəndi ərazisində mina partlayışı nəticəsində xəsarət alan ANAMA əməkdaşının ayağının bir hissəsi amputasiya edilib.

BAKU.WS-ə TƏBİB-dən bildirilib ki, 1990-cı il təvəllüdlü kişi Xankəndi Şəhər Mərkəzi Xəstəxanasından daha ixtisaslı tibbi yardım göstərilməsi məqsədilə Bərdə Rayon Mərkəzi Xəstəxanasının Təcili tibbi yardım şöbəsinə təxliyə olunub.

Onun sol aşıq-baldır oynağı nahiyəsi amputasiya edilib. Hazırda xəstəxanada əməliyyat aparılır.

***09:47

Xocalı rayonunun Daşkənd kəndi ərazisində sentyabrın 10-da mina hadisəsi baș verib.

Bu barəsdə BAKU.WS-ə Azərbaycan Respublikasının Minatəmizləmə Agentliyindən (ANAMA) məlumat verilib.

Bildirilib ki, agentliyin əməkdaşı 1990-cı il təvəllüdlü Həsənov Anar İftixar oğlu xidməti vəzifəsini yerinə yetirərkən piyada əleyhinə mina partlayışı baş verib. Hadisə nəticəsində Həsənov Anar sol ayağından xəsarət alıb.

Xəsarət alan əməkdaş rayon xəstəxanasına təxliyə edilib. Vəziyyəti qənaətbəxşdir.

***09:28

Xocalı rayonunda mina partlayışı nəticəsində bir nəfər xəsarət alıb.

BAKU.WS "Report"a istinadən xəbər verir ki, hadisə rayonun Daşkənd kəndi ərazisində qeydə alınıb.

Hadisə nəticəsində xəsarət alan Anar Həsənov adlı şəxsin Xankəndi Şəhər Xəstəxanasına çatdırıldığı bildirilib.

Faktla bağlı araşdırma aparılır.