İtaliyada ard-arda zəlzələlər baş verib

İtaliyanın mərkəzi hissəsində, Peruca bölgəsində zəlzələlər baş verib.

BAKU.WS xarici KİV-ə istinadən xəbər verir ki, bu barədə İtaliya Milli Geofizika və Vulkanologiya İnstitutunun (INGV) mütəxəssisləri bildiriblər.

Məlumata görə, zəlzələlər 4,6 və 3,9 bal gücündə qeydə alınıb.

Yeraltı təkanlar qonşu rayonlarda - Marka və Toskanada da hiss olunub.

Hadisə zamanı dağıntı və tələfat olmayıb.

Səlahiyyətlilər martın 10-u və 11-də Peruca və Assizi şəhərlərində, eləcə də Umbriya bölgəsində yerləşən universitetlərdə dərslərin dayandırılması barədə göstəriş verib.