İsrail ordusu Livana zərbələr endirir

İsrail Müdafiə Qüvvələri (IDF) tank əleyhinə raket buraxılışına cavab olaraq Livanda zərbələr endirir.

BAKU.WS xəbər verir ki, bu barədə İsrail Müdafiə Nazirliyinin mətbuat xidmətinin teleqram kanalında dərc olunmuş bəyanatında deyilir:

"İsrail Müdafiə Qüvvələri bu yaxınlarda İDF mövqelərinə tank əleyhinə raket atmasına cavab olaraq hazırda Livanda zərbələr endirir. Əlavə təfərrüatlar bundan sonra veriləcək".

Qeyd edək ki, bundan əvvəl ordunun mətbuat xidməti ölkənin şimalında, Aramşa kəndi yaxınlığında (Livanla sərhəddə yerləşir) İsrailin nəzarət-buraxılış məntəqəsi istiqamətində tank əleyhinə raketin buraxılması barədə məlumat vermişdi. Atəş baş verən əraziyə yaxın ərazidə yaşayan vətəndaşlara sığınacaqlara müraciət etmələri tövsiyə olunur.