Spirtli içkilər niyə gənclər üçün daha təhlükəlidir? Buna görə yaş həddi var? - ARAŞDIRMA - FOTO

Spirtli içkilərə kütləvi şəkildə tələbatın olduğu ölkələrdə gənclərin beyinin inkişafdan geri qaldığı müşahidə edilib. Mütəxəssislərin sözlərinə görə ictimai sağlamlıq və fərdi azadlıq arasında tarazlığın qorunması üçün gənclərin daha çox məlumatlandırılması vacibdir.

BAKU.WS "BBC"yə istinadən xəbər verir ki, dünya miqyasında spirtli içkilərin istehlakı ilə bağlı aparılan yeni araşdırmalar yaşla bağlı bəzi fərziyyələri alt-üst edib.

Avropalıların, İngiltərə və ya Amerika vətəndaşlarından daha sağlam içki mədəniyyəti olduğu qeyd edilib. Gənclərin evdə yeməklə birlikdə içki içməsinə icazə verilməsinin onlara içkilərdən istifadə qaydasını öyrədir. Bu informasiyalar, yeniyetmələrin daha məlumatlı seçimlərinə və valideynlərin bu mövzuda mövqelərinə təsir edir.

Niyə spirtli içki gənclər üçün daha təhlükəlidir?

Gənclər qanuni olaraq içmək yaşını keçsələr də, alkoqolun gənclər üçün daha təhlükəli olmasının bir çox səbəbi var.

Niderlandın Maastricht Universitetində tədqiqatçılar və yeniyetmələr arasında spirtli içkilərin istehlakını araşdıran "Beyond Legislation" kitabının müəllifi Ruud Roodbeen deyir ki, bir stəkan içki içmək gənclərin qanında alkoqolun miqdarının böyüklərə nisbətən daha yüksək olmasına səbəb oldur.

İçki içdiyiniz zaman beş dəqiqə ərzində beyninizə çatır və beyninizi zərərli maddələrdən qoruyub saxlayan qan-beyin maneəsini asanlıqla keçir.

"Alkoqolun nisbətən daha böyük hissəsi yeniyetmələrin beynində qalır və bu da yeniyetmələrin alkoqolun zəhərlənmə ehtimalını artırır" - deyə Roodbeen qeyd edib.