İrəvan Bakı ilə razılaşdı: Kommunikasiyalarla bağlı bənd sülh müqaviləsindən çıxarılacaq

"Ermənistan Xarici İşlər Nazirliyi Azərbaycan tərəfi ilə qarşılıqlı razılaşma əsasında sülh müqaviləsi layihəsindən regional kommunikasiyalar maddəsinin çıxarıldığını təsdiqləyib".

BAKU.WS Oxu.Az-a istinadən xəbər verir ki, bunu açıqlamasında Ermənistan Xarici İşlər Nazirliyinin sözçüsü Ani Badalyan bildirib.

Bundan əvvəl Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov bildirmişdi ki, tərəflər nəqliyyat marşrutları, o cümlədən Azərbaycanı Naxçıvanla birləşdirən marşrutlar məsələsini sonrakı mərhələdə - sülh müqaviləsi imzalandıqdan sonra həll etmək barədə razılığa gəliblər.