İran yeni şərt irəli sürdü: “Ya neftimizi almalıdırlar, ya da...”

İran nüvə sazişinin öhdəliklərini yerinə yetirmək üçün yeni şərtini irəli sürüb.BAKU.WS TRT-yə istinadən xəbər verir ki, İran xarici işlər nazirinin müavini Abbas Arakçı bunun üçün ABŞ-ın sanksiyaları səbəbindən sata bilmədiyi neft qarşılığında Avropa ölkələrinin 15 milyard dollarlıq kredit təmin etməsini istəyib:“Nüvə razılaşmasının şərtlərini yerinə yetirməyimiz üçün neft satmağımıza icazə verilməli və ya kredit təmin edilməlidir. Əks təqdirdə, müqavilədəki öhdəliklərin çoxuna əməl edilməyəcək. Nüvə sazişinə sadiq qalmağımız 4 ay ərzində 15 milyard dollar almağımızdan asılıdır. Avropa ya İrandan neft satın almalı, ya da neft gəlirimiz qədər kredit verməlidir”.