Prezident İlham Əliyev Andjey Dudanı təbrik edib

Azərbaycan Prezidenti İlham Əliyev Polşanın Prezidenti seçilməsi münasibətilə Andjey Dudaya təbrik məktubu göndərib.

BAKU.WS xəbər verir ki, dövlətimizin başçısı məktubda bu gün Azərbaycan-Polşa əlaqələrinin müvəffəqiyyətlə inkişaf etdiyini bildirib. “İnanıram ki, bunda sonra da xalqlarımız və ölkələrimiz arasındakı ənənəvi dostluq münasibətlərinin daha da genişlənməsi, qarşılıqlı maraq doğuran əməkdaşlığımızın və strateji tərəfdaşlığımızın dərinləşməsi yolunda səylərimizi davam etdirəcəyik”, - deyə Azərbaycan Prezidenti qeyd edib.

Prezident İlham Əliyev Prezident Andjey Dudaya möhkəm cansağlığı, xoşbəxtlik, dost Polşa xalqının rifahı naminə fəaliyyətində uğurlar diləyib.