Parisdə yerləşən Olimpiya şəhərciyində kondisioner quraşdırılacaq

2024-cü ildə Parisdə keçiriləcək Yay Olimpiya Oyunlarının iştirakçılarının sərinlənməsi üçün kondisionerlə təmin olunacaqlar.

BAKU.WS xəbər verir ki, yarışlar zamanı 10 mindən çox idmançının yaşayacağı Olimpiya kəndinə minlərlə kondisioner gətirilir.

Əvvəllər 2024-cü il Olimpiadasının təşkilatçıları atmosferə karbon qazı tullantılarını azaltmaq üçün idmançıların otaqlarında kondisioner quraşdırılmasından tamamilə imtina edərək, tarixin ən “ekoloji cəhətdən təmiz” oyunlarını keçirmək istəklərini açıqlamışdılar. Ancaq bir sıra iştirakçı ölkələrin milli olimpiya komitələri tərəfindən qəti şəkildə etiraz edildi.

Bəziləri isə binalarda optimal temperatur yaradılmasa, Olimpiya şəhərciyini tərk edəcəklərini bildirmişdilər.

Qeyd edək ki, 2024-cü il Olimpiya Oyunları iyulun 26-dan avqustun 11-dək Parisdə keçiriləcək.