Naxçıvan Regional DOST Mərkəzində gün ərzində 500-600 vətəndaşın qəbulu nəzərdə tutulur

Naxçıvan Regional DOST Mərkəzində gün ərzində orta hesabla 500-600 vətəndaşın qəbulu nəzərdə tutulur.

BAKU.WS xəbər verir ki, bu barədə jurnalistlərə açıqlamasında DOST Agentliyinin İdarə Heyətinin sədri Fərid Məmmədov məlumat verib.

O bildirib ki, mərkəzdə əhaliyə 164 sosial xidmət göstəriləcək:

"Ümumilikdə 117 işçinin və 50 könüllünün fəaliyyət göstərəcəyi mərkəzdə gün ərzində orta hesabla 500-600 vətəndaşın qəbulu nəzərdə tutulur. Bütün xidmətlər "Bir pəncərə" prinsipi əsasında təşkil olunub və Naxçıvan sakinlərinə rahat, operativ və əlçatan şəkildə təqdim ediləcək. Bu yanaşma müxtəlif sosial istiqamətlər – pensiya, əmək və məşğulluq, sosial müavinətlər, əlillik, övladlığagötürmə və digər sosial xidmətlərin vahid məkanda, şəffaf formada göstərilməsinə imkan yaradır. Əlilliyi olan şəxslərin mərkəzdə tibbi-sosial ekspertizası, onların fərdi ehtiyaclarına uyğun reabilitasiya vasitələri ilə təminatı, eyni zamanda, reabilitasiya xidmətlərindən yararlanmaları üçün ixtisaslaşmış reabilitasiya müəssisələrinə göndərişlərin rəsmiləşdirilməsi də icra ediləcək".

Daha ətraflı "Baku TV"nin süjetində: