Moskvada ilin ən isti günü qeydə alındı

Bazar günü səhər Moskvada hava 30,2 dərəcəyə qədər isinib ki, bu da Rusiya paytaxtında ilin əvvəlindən bəri ən yüksək temperatur olub.

BAKU.WS oxu.az-a istinadən xəbər verir ki, bu barədə avqustun 6-da Rusiyanın Hidrometeorologiya Mərkəzinin elmi direktoru Roman Vilfand məlumat verib.

Meteoroloqun sözlərinə görə, bundan əvvəl 2023-cü ilin ən isti günü iyulun 6-da olub. O zaman hava 29,1 dərəcəyə qədər isinib.

Bununla yanaşı, sinoptik havanın temperaturunun yüksəlməkdə davam etdiyini və buna görə də yaxın saatlarda yalnız daha da isti olacağını vurğulayıb.